सोयराबाई यांच्या पोटी राजाराम यांचा जन्म

★सोयराबाई यांच्या पोटी राजाराम यांचा जन्म★

आज राजगडाचा दरबार खासा शांत होता आज वर्दळ किल्ल्यावर नसून पायथ्याला असणाऱ्या शिवापट्टण वाड्यात होती, दरुणीमहालातील बाळंतीणीच्या अंधेरी दालनाचा दरवाजा अजून बंदच होता. त्या मिटल्या दरवाज्यासमोर आई जगदंबे, आई जगदंबे असे पुटपुटणे चालूच होते. त्या होत्या जिजाऊसाहेब! जगदंबेला स्त्री-जातीच्या स्वरूपात पडलेले सर्वांत गोमटे स्वप्न!

उत्तर रात्रीपासून जिजाऊ त्या मिटल्या दरवाज्यासमोर येरझाऱ्या घालीत होत्या. दहाबारा हात शेजारीच पुरंदरचे किल्लेदार प्रतापराव एका दगडी जोत्यावर बसले होते. दिवस चांगला दीड कासरा धावनी घेऊन वर चढला

एकाएकी दालनाचा दरवाजा कुसवात कुरकुरला/ आऊसाहेब बिगीबिगी दरवाज्याच्या रोखानेपुढे सरशी झाल्या. उरातल्या सगळ्या 'आऊपणान' त्यांच्या कानांत जमाव केला. अनेक सवाल डोळ्यांत खडे ठाकले.

दरवाजा पुरता उघडला गेला. मागून बसके, राजस रडणे धावणी घेत उघडल्या दरवाज्यात मध्यानं वयाची कसबी सुईण-गोजाक्का कमरेत वाकून उभी होती. आपले अशुच ओले हात जिजाऊंच्या नजरेला पडू नयेत म्हणून मनगटे कमरेवर टेकवून तिने ते पाठीशी उरफाटे फिरवले होते.

तापल्या दुधावर दाट सं जमून यावी तसें नितळ हसू तिच्या कुणबी मुखड्यावर खुलते झाले. जिजाऊंनी सवाल टाकण्यापूर्वीचं जवाब पेश झाला

"झडू द्या तोफांची नौबत! बाळकिसन आलं...! बाळ बाळातीन सम्दं सुकरूप...

प्रतापरावनी जोत्यावरून खाली छलांगचं घेतली. आऊसाहेबांना मुजरा घालीतच ते म्हणाले " बुरजाबुरुजांवरच्या भांड्यांस्नि बत्ती देतो आऊसाब ! दुसरं धाकली धनी आलं. ! हु दे जगदंबेचा उदो !

फाल्गुनी पौर्णिमेला म्हणजेचं दिनांक २४ फेब्रुवारी १६७० रोजी सोयराबाई प्रसूत झाल्या दुसरे पुत्ररत्न प्राप्त जाहले....